Ձմռանը տրանսֆերներ չեն լինի. «Մանչեսթեր Սիթիի» կազմից ես գոհ եմ». Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան հայտարարել է, որ թիմը հունվարին ուժեղացնելու մտադրություն չունի:
«Տրանսֆերներ չեն լինի: Չենք պատրաստվում գումարներ ծախսել հունվարին: Ես գոհ եմ կազմից, խաղացողերը վերադառնում են վնասվածքներից հետո, այնպես որ, ոչ, նորեկներ չեն լինի»,- ասել է Գվարդիոլան:
Ավելի վաղ հաղորդվել էր, որ «քաղաքայինները» հետաքրքրված են հարձակվողներ Ռուբեն Նավիշով («Վուլվերհեմփթոն») և Թանգի Նդոմբելեով («Լիոն»):
Բացի այդ, նշվում էր, որ «Սիթին» փոխարինող է փնտրում վնասվածք ստացած ձախ պաշտպան Բենժամեն Մենդիի համար:
Պատրաստեց Անի Գաբուզյանը
