Ոստիկանությունը՝ Ժիրայր Սէֆիլյանի հայտարարության մասին
ՀՀ ոստիկանությունը պարզաբանում է տարածել է «Ազատություն» ռադիոկայանի եթերում Ժիրայր Սէֆիլյանի արված հայտարարության կապակցությամբ, թե ոստիկանության պետ Վալերիյ Օսիպյանը խոչընդոտում է իրենց` հանդիպելու ՊՊԾ գնդի գրավման ժամանակ զոհված ոստիկանների ընտանիքների հետ:
Ինչպես տեղեկացրին ՀՀ ոստիկանության տեղեկատվության և հասարակայնության հետ կապերի վարչությունից, պարզաբանման մեջ ասվում է. «Վերջին ատյանի ճշմարտության կեցվածք ընդունած Սէֆիլյանը բազմակի է ստում:
Նախ` ոստիկանության պետը խնդիր չունի որևէ հարցում խոչընդոտելու զոհվածների ընտանիքիներին: Պատճառը, կարծում ենք, լրացուցիչ պարզաբանման կարիք չունի:
Սէֆիլյանը հայտարարություն է անում Յուրի Տեփանոսյանի սպանության հանգամանքների մասին, որը որևէ փաստարկ ու հիմնավորում չունի և սնվում է զուտ իր երևակայությունից:
Ժիրայր Սէֆիլյանին կոչ ենք անում հիմնավորել իր բարձրագոչ հայտարարարությունը կամ էլ հրաժարվել մերկապարանոց մեղադրանքներ տարածելու գործելակերպից»:
