Instagram-ը ցույց կտա, թե որքան ժամանակ եք անցկացրել սոցցանցում

Instagram այժմ աջակցում է «Your Activity» նոր գործառույթը, որը հետևում  է, թե որքան ժամանակ են օգտատերերը ծախսել սոցիալական ցանցում:

Բացի այդ, հավելվածը թույլ կտա սահմանել սոցցանցի օգտագործման ժամանակահատվածը  և անջատել ծանուցումները:

Հավելվածում անցկացրած ձեր ժամանակի մասին ինֆորմացիա կարող եք գտնել հենց հավելվածում: Վերևի աջ անկյունում կա «Ваши действия» («Your Activity») տողը, որտեղ գրանցվում են բոլոր տվյալները:

Այս գործառույթի միջոցով կարող  եք կարգավորել սոցցանցում անցկացվող ժամանակը և սահմանել հստակ ժամանակահատված: Հավելվածը ծանուցման միջոցով կհայտնի, որ ձեր ժամանակը սպառվել է:

Նշվում է, որ շուտով  Facebook-ը ևս կհետևի Instagram-ի օրինակին և կավելացնի այս գործառույթը:

Սիրարփի Աղաբաբյան