Թուրքիայի իշխանությունները շարունակում են քաղաքացիներին հետապնդել սոցցանցերում կատարած գրառումների համար
Թուրքիայում վերջին շաբաթվա ընթացքում սոցցանցերում կատարած գրառումների պատճառով քրեական հետապնդման է ենթարկվել 180-ից ավելի քաղաքացի: Այս մասին հայտնում են թուրքական ԶԼՄ-ները:
Ուսումնասիրվել է «Ֆեյսբուք»-ի և «Թվիթեր»-ի, ընդհանուր առմամբ, 227 օգտատիրոջ էջ: Ուսումնասիրության արդյունքում՝ քրեական հետապնդում է սկսվել 182 օգտատերերի նկատմամբ:
Սոցցանցերի օգտատերերը մեղադրվում են ահաբեկչության քարոզ իրականացնելու, ահաբեկչական խմբավորումների հետ կապ ունենալու, քաղաքացիների շրջանում ատելություն սերմանելու հատկանիշներով:
