Մատան ամռանը կտեղափոխվի «Արսենալ»
«Մանչեսթեր Յունայթեդի» կիսապաշտպան Խուան Մատան, հավանաբար, կհեռանա ակումբից ընթացիկ մրցաշրջանի ավարտից հետո:
2019 թվականի ամռանն ավարտվում է իսպանացի ֆուտբոլիստի պայմանագրի ժամկետը «Մանչեսթեր Յունայթեդի» հետ, և կողմերը երկարաձգման վերաբերյալ դեռ համաձայնության չեն եկել: Ըստ talkSPORT-ի տեղեկության՝ Մատան արդեն կողմնորոշվել է, թե որտեղ է շարունակելու կարիերան: Կիսապաշտպանի հաջորդ թիմը կլինի «Արսենալը», որի նոր գլխավոր մարզիչ Ունայի Էմերիին Մատան լավ ճանաչում է «Վալենսիայում» համատեղ աշխատանքի շնորհիվ:
Հիշեցնենք, որ կիսապաշտպանը տեղափոխվել է «Մանչեսթեր Յունայթեդ» 2014թ. հունվարին: Մինչ այդ նա հանդես էր գալիս Լոնդոնի «Չելսիի» կազմում:
Պատրաստեց Անի Գաբուզյանը
