«Բարսելոնան» 2 ժամ չի կարողացել գտնել Ուսման Դեմբելեին
«Բարսելոնայի» հարձակվող Ուսման Դեմբելեն բաց է թողել թիմի մարզումը առողջական խնդիրների պատճառով:
Սակայն ֆրանսիացի ֆուտբոլիստը չի զգուշացել իր բացակայության մասին ոչ ոքի: Արդյունքում` կատալոնական ակումբի բոլոր ներկայացուցիչները սպասել են Դեմբելեին ամբողջ մարզման ընթացքում, իսկ հետո ամողջ թիմը 90 րոպե փորձել է կապ հաստատել ֆուտբոլիստի հետ, սակայն ապարդյուն:
Ավելի ուշ պարզ է դարձել, որ ֆուտբոլիստը իր տանն է: Կատալոնական ակումբի բժիշկները այցելել են ֆուտբոլիստին և համոզվել, որ նա իրոք վատառողջ է:
Ավելի վաղ հաղորդվել էր, որ «բլաուգրանայի» գլխավոր մարզիչ Էռնեստո Վալվերդեն դժգոհ է խաղացողի պատասխանատվության մակարդակից:
Սիրարփի Աղաբաբյան
