Արցախի ԱԻՆ-ը՝ 4 զինվորի կյանք խլած վթարի մասին
Նոյեմբերի 7-ին ժամը 14:25-ին Քաշաթաղի շրջանային ԱԻ բաժնից ահազանգ է ստացվել Որոտան-Խնձորեսկ ճանապարհի 4-րդ կմ վրա տեղի ունեցած ՃՏՊ-ի մասին` անհրաժեշտ է փրկարարների օգնությունը: ՃՏՊ-ի հետևանքով կան տուժածներ:
Նախնական տվյալներով N զորամասին պատկանող «ԿԱՄԱԶ» մակնիշի ավտոմեքենան դուրս է եկել ճանապարհի երթևեկելի գոտուց և գլորվել ձորը: Քաշաթաղի ՀՓՄ-ին կից Տիգրանավանի ՀՓՋ-ից հրշեջ փրկարարները մեկնել են նշված վայր :
Տեղ հասնելուն պես պարզվել է, որ ավտոմեքենայում գտնվել են 21 զինծառայող: Վթարի արդյունքում մահացել է 4 ժամկետային զինծառայող և 17 զինծառայողներին մարմնական վնասվածքներով N զորամասի շտապ օգնության ավտոմեքենաներով տեղափոխել են ՀՀ Գորիս քաղաքի բժշկական կենտրոն:
Արցախի ԱԻՆ
