ԱՄՆ-ում մետաղադրամ են հատել Պուտինի և Թրամփի հանդիպման պատվին
White House ինտերնետ-խանութը հուշադրամ է հատել Վլադիմիր Պուտինի եւ Դոնալդ Թրամփի հանդիպման պատվին եւ այն վաճառքի է դրել պաշտոնական կայքում։
Մետաղադրամի մի կողմում պատկերված են պետությունների ղեկավարները դրոշների ֆոնին, մյուս կողմում՝ Հելսինկիի մայր տաճարը, որից ոչ հեռու տեղի են ունեցել բանակցությունները:
Ռուսաստանի եւ ԱՄՆ-ի նախագահներն առաջին լիաֆորմատ բանակցությունները վարել են հուլիսի 16-ին Հելսինկիում: Այն ժամանակ քաղաքական գործիչներն առանձնազրույց են ունեցել ավելի քան երկու ժամ, հաղորդել է ՌԻԱ Նովոստին:
