Փրկարարները քարը հեռացրել են ճանապարհի երթևեկելի հատվածից
Նոյեմբերի 2-ին, ժամը 11:23-ին «911» ծառայությանն ահազանգ է ստացվել, որ Կոտայքի մարզի Պտղնի գյուղի սկզբնամասում՝ «Բելաջիո» ռեստորանային համալիրի մոտակայքում, ժայռից տեղի է ունեցել քարաթափում, առկա է այլ քարերի ընկնելու վտանգը. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը:
Փրկարարները ճանապարհի երթևեկելի հատվածից հեռացրել են մեկ քար (0.3 խմ). տվյալ պահի դրությամբ քարաթափման վտանգ չկա։
