Թուրքիայի ոստիկանության բաժանմունքը փակվել է շենքի վարձավճարը չմուծելու պատճառով
Թուրքիայի Քոջաելի նահանգի Իզմիթ շրջանի ոստիկանության բաժանմուքներից մեկը փակվել է վարձակալած շենքի համար վճարը չմուծելու պատճառով: Թուրքական աղբյուրը հայտնում է, ոստիկանությունը չի կարողացել վճարել բաժանմունքի տեղակայված շենքի վարձավճարը, քանի որ այն շատ բարձր է եղել։
Նշվում է, որ այդ շենքի առաջին հարկը դեռևս 20 տարի առաջ էր վարձակալության տրվել ոստիկանությանը։
Այս պահին վերոնշյալ բաժանմունքի աշխատակիցները տեղափոխվել են մոտակայքում գտնվող ոստիկանական բաժանմունք, որպեսզի շարունակեն իրենց աշխատանքները։
