Չինաստանում առաջին ձյունից երջանկացած պանդաները հայտնվել են տեսանյութում
Չինաստանի հյուսիս -արեւելքի Հեյլունցզանի նահանգի Յաբուլի լեռնադահուկային առողջավայրում հաջողվել է տեսագրել առաջին ձյունից պանդաների անկեղծ հրճվանքը, տեղեկացնում է CGTN-ը:
Տեսահոլովակում երեւում է, թե ինչպես են սեւ-սպիտակ արջերը գնդակ խաղում, ճոճանակով ճոճվում, թավալգլոր տալիս եւ բամբուկ կրծոտում առաջին ձյան ներքո: Ինչպես նշում է ՌԻԱ Նովոստին, նրանք Չինաստանի հյուսիս – արեւելք են եկել հարավային նահանգից, բայց ձյունը նրանց շատ է դուր եկել:
