«Մարդ սպանելու համար դատապարված որևէ անձ չպետք է համաներման ենթարկվի, սակայն…». Նիկոլ Փաշինյան
«Ցմահ ազատազրկումների հետ կապված, ես կարծում եմ սկզբունքորեն, որ մարդ սպանելու համար դատապարված որևէ անձ չպետք է համաներման ենթարկվի»,- այսօր ԱԺ-ում լրագրողների հետ զրույցում հայտարարեց ՀՀ վարչապետի պաշտոնակատար Նիկոլ Փաշինյանը՝ խոսելով համաներման մասին:
Սակայն, ըստ նրա, իսկապես պետք է աշխատեցնել պայմանական վաղակետ ազատելու մեխանիզմը, պատժաչափերը փոխելու մեխանիզմը, ներման մեխանիզմը, որպեսզի անհատական մոտեցում ցուցաբերվի:
Ն.Փաշինյանը նշեց, որ գործերը հատ-հատ նայելու են նորից, լուծում տան իրավական բանավեճին:
Դիտարկմանը, որ զինված հարձակում իրականացնողների վրա համաներման տարածումը, օրինակ՝ «Սասնա ծռերի», վատ նախադեպ չի՞ ստեղծում, Ն.Փաշինյանը պատասխանեց.
«ՀՀ-ում բռնությունը որպես գործիք պետք է բացառվի: Բռնության գործադրումը քաղաքականության մեջ արժանանալու է ամենակոշտ հակազդեցության»:
