Չինաստանում կինը խոհանոցի դանակով 14 երեխայի է վերքեր հասցրել մանկապարտեզում
Չինաստանի Չունցին քաղաքում խոհանոցի դանակով զինված կինը վերքեր հասցրել մանկապարտեզի 14 սաների: Այդ մասին ասված է տեղական ոստիկանության հաղորդագրության մեջ:
Նշվում է, որ 39-ամյա կասկածյալը հարձակումը կատարել է հոկտեմբերի 26-ի առավոտյան մանկապարտեզի դարպասի մոտ, երբ երեխաները վերադառնում էին առավոտյան մարզանքից: Մանկապարտեզի աշխատակիցները եւ պահապանները կարողացել են կանգնեցնել կնոջը, պատահարի վայր ժամանած ոստիկանությունը ձերբակալել է կնոջը:
Ցանցում տարածված տեսանյութի կադրերում երեւում է, թե ինչպես են ոստիկանները տանում հուզախռիվ կասկածյալին: Նրա արարքի դրդապատճառների մասին տեղեկություններ չկան, հաղորդել է ՌԻԱ Նովոստին:
