Եթովպիայի խորհրդարանն առաջին անգամ կին է ընտրել երկրի նախագահի պաշտոնում
Եթովպիայի խորհրդարանը հոկտեմբերի 25-ին երկրի նոր նախագահ է ընտրել դիվանագետ Սահլե-Վորկ Զեւդեին, որը դարձել է պատմության մեջ այդ պաշտոնն զբաղեցրած առաջին կինը: Այդ մասին հայտնել է Reuters գործակալությունը:
Ավելի վաղ Սահլե-Վորկ Զեւդեն աշխատել է ՄԱԿ-ի գլխավոր քարտուղարի աշխատակազմում, ինչպես նաեւ որպես կազմակերպության ղեկավարի՝ Աֆրիկյան միությանն առընթեր պաշտոնական ներկայացուցիչ:
Եթովպիայի նախագահի պաշտոնում նա փոխարինել է Մուլատու Տեշոմեին, որը նախօրյակին պաշտոնաթողության խնդրագիր է ներկայացրել: Եթովպիայի Սահմանադրության համաձայն, նախագահը պետության ղեկավարն է, սակայն իրական իշխանությունը կենտրոնացած է վարչապետի ձեռքում, որը հենվում է խորհրդարանական մեծամասնության վրա: Նախագահը նույնպես ընտրվում է խորհրդարանի կողմից, բայց կատարում է ներկայացուցչական գործառույթներ:
Մուլատու Տեշոմեի վաղաժամկտ պաշտոնաթողությունը, որը երկիրը գլխավորում էր վերջին հինգ տարում, կապված է այն բարեփոխումների քաղաքականության հետ, որոնք սկսել է կառավարության նոր ղեկավար Աբի Ահմեդը, ով այդ պաշտոնում այս տարվա ապրիլին փոխարինել է Հայլեմարիամ Դեսալենին, հաղորդել է ՏԱՍՍ-ը:
