Աշոտ Ղահրամանյանը 20 օր է՝ գտնվում է արտերկրում՝ բուժման նպատակով
Արմավիրի նախկին մարզպետ Աշոտ Ղահրամանյանի գրասենյակը հայտարարություն է տարածել, որում ասված է. «Որոշ լրատվամիջոցներ անհայտ աղբյուրներից լուրեր են տարածել, որոնց համաձայն՝ Արմավիրի նախկին մարզպետ Աշոտ Ղահրամանյանը Մարտի 1-ի իրադարձություններին մասնակցություն ունենալու մասով հարցաքննվել է:
Աշոտ Ղահրամանյանի հարազատները հերքում են վերոնշյալ տեղեկատվությունը՝ փաստելով, որ նա մոտ 20 օր է արդեն, ինչ գտնվում է արտերկրում՝ բուժման նպատակով:
Անհիմն տեղեկատվություն տարածող լրատվամիջոցներին խորհուրդ է տրվում չզբաղվել ապատեղեկատվության մատուցմամբ՝ խուսափելու համար իրենց իսկ հեղինակության արատավորումից»:
