Գևորգ Պետրոսյանը մասնակցելու է ԼԳԲՏ համաժողովի դեմ ակցիաներին
Նոյեմբերի 15-18-ը Երևանում նախատեսվող Արևելյան Եվրոպայի և Կենտրոնական Ասիայի ԼԳԲՏ քրիստոնյաների ֆորումի դեմ ակցիներին մասնակցելու է նաև ԱԺ «Ծառուկյան» խմբակցության պատգամավոր Գևորգ Պետրոսյանը: Այսօր Աժ-ում լրագրողների հետ զրույցում նա նշեց, որ ինքը մասնակցելու է ոչ թե որպես պատգամավոր, այլ որպես հայ տղամարդ, որը սկզբունքորեն դեմ է, որ այդ համասեռամոլությունը թափանցի ավանդական հայ ընտանիք:
«Ես գիտեմ, որ այս ելույթիցս հետո շատերն են գրոհելու իմ ուղղությամբ, բայց դա ինձ չի վախեցնում: Եթե ինձ պետք է վախեցնի ավանդական ընտանիքի մասին խոսելը, ուրեմն ամոթ է, որ ես ընդհանրապես տեղ ունենամ Հայաստանում»,- ասաց Գ.Պետրոսյանը:
Նա շեշտեց, որ խնդիրը մեր ազգային անվտանգությունն է. «Ես աջակցելու եմ այդ շարժմանը, որովհետև ես կտրուկ դեմ եմ այդ գաղափարախոսությանը»:
