Շունը տիրոջ ուշադրությունը գրավելու համար հեռախոսը դուրս է հրում նրա ձեռքից
Հետաքրքիր է՝ շներն ինչպես են ընկալում այն մարդկանց, որոնք ամբողջ օրն անհասկանալի ուղղանկյունի են պահում ձեռքներին եւ չեն կարողանում դրանից բաժանվել: Այս տեսանյութի հերոսը դարձել է հենց նրանցից մեկը, որն ամբողջովին տարված է սմարթֆոնով։
Մինչդեռ այդ տղամարդու լավագույն ընկերոջը՝ Բին անունով շանը, իրադարձությունների նման ընթացքն այնքան էլ դուր չի գալիս: Տեսանյութի կադրերում երեւում է, թե ինչպես է Բինը կանգնել պառկած տիրոջ կողքին եւ թաթով բոթում է ուսը՝ փորձելով գրավել նրա ուշադրությունը: Երբ կենդանին հասկանում է, որ դա անիմաստ է, նա պարզապես ցած է հրում սմարթֆոնը տիրոջ ձեռքից:
Այսպես կրկնվում է եւս մի քանի անգամ, մինչեւ որ միայնակ Բինը հասկանում է, որ ուժով ոչինչ չի ստացվի, եւ իր հետ ոչ ոք չի խաղալու:
