Օրեգոնի կենդանաբանական այգին հրապարակել է կենդանիների ռենտգենյան նկարները
ԱՄՆ-ի Օրեգոնի նահանգի կենդանաբանական այգին հրապարակել է իր սաների ռենտգենյան նկարները: Նկարներն արվել են գազանների սովորական բուժզննումների ժամանակ, տեղեկացնում է BBC-ին:
Կենդանաբանական այգու ներկայացուցչի խոսքով՝ ռենտգենը կենդանիների մոտ ախտորոշման առավել արդյունավետ մեթոդներից մեկն է: Բացի դրանից, այն թույլ է տալիս նվազագույնի հասցնել անզգայացման ժամանակը վիրահատության դեպքում: Նման նկարները հազվադեպ են հասանելի դառնում հասարակայնությանը, քանի որ սովորաբար արվում են բացառապես հետազոտական նպատակներով:
