Պետք է շարունակենք նույնությամբ. Մխիթարյանը՝ Մակեդոնիայի դեմ հաղթանակի մասին
Հայաստանի ֆուտբոլի ազգայի թիմի և Լոնդոնի «Արսենալ»-ի կիսապաշտպան Հենրիխ Մխիթարյանը խոսել է Մակեդոնիայի դեմ տարած հաղթանակի մասին:
«Շատ գոհ եմ մեր կատարած աշխատանքից, պետք է շարունակենք նույնությամբ: Սիրում եմ բոլորիդ»,- Ինստագրամի իր էջում գրել Մխիթարյանը:
Հայաստանի ֆուտբոլի ազգային թիմը Ազգերի լիգայի D դիվիզիոնի 4-րդ ենթախմբում դեռևս 3-րդ տեղում է: Ենթախմբի առաջատարը Մակեդոնիայի ընտրանին է՝ 9 միավորով: 6-ական միավոր ունեն Ջիբրալթարի և Հայաստան ընտրանինները: 3 միավորով մրցաշարային աղյուսակը եզրափակում է Լիխտենշտեյնը: Ազգերի լիգայի վերջին երկու տուրերի խաղերը կկայանան նոյեմբերին: Հայաստանի թիմը նոյեմբերի 16-ին արտագնա խաղով կմրցի Ջիբրալթարի, իսկ նոյեմբերի 19-ին՝ Լիխտենշտեյնի դեմ:
