Բաժիններ՝

«Արևելյան գործընկերության» հաջորդ գագաթնաժողովը կարող է տեղի ունենալ 2020 թվականին. եվրակոմիսար

Եվրամիության եւ «Արեւելյան գործընկերություն» ծրագրի երկրների (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) հաջորդ գագաթնաժողովը կարող է տեղի ունենալ 2020 թվականին:

Այդ մասին հայտարարել է ԵՄ-ի ընդլայնման եւ հարեւանության քաղաքականության հարցերով եվրակոմիսար Յոհաննես Հանը՝ ամփոփելով Լյուքսեմբուրգում վեց երկրների ԱԳ նախարարությունների ղեկավարների հետ կայացած հանդիպման արդյունքները: «Ամենից հավանական է, որ այն տեղի կունենա 2020 թվականին: Բայց մենք դեռեւս քննարկում ենք դա»,- ասել է Հանը:

Եվրամիության դիվանագիտության ղեկավար Ֆեդերիկա Մոգերինին ընդգծել է, որ եկող տարի ԵՄ-ն եւ «արեւելյան գործընկերները» Բրյուսելում նշելու են ծրագրի տասնամյակը: «Դա լավ հնարավորություն էր հավաստելու մեր հանձնառությունը եւ նախապատրաստվելու տասնամյա տարեդարձին 2019 թվականին, ինչպես նաեւ ամփոփելու «մինչեւ 2020 թվականը 20 առաջադրանքի» իրականացման արդյունքները»,- հավելել է նա, հաղորդել է ՏԱՍՍ գործակալությունը:

Բաժիններ՝

Տեսանյութեր

Լրահոս

Լուրերի օրացույց

Հոկտեմբեր 2018
Երկ Երե Չոր Հնգ Ուրբ Շաբ Կիրակի
« Սեպտեմբեր   Նոյեմբեր »
1234567
891011121314
15161718192021
22232425262728
293031