«Անօգուտ է լիդեր կերտել մի տղայից, ով խաղից առաջ 20 անգամ վազում է զուգարան». Մարադոնան՝ Մեսսիի մասին
Լեգենդար արգենտինացի հարձակվող Դիեգո Մարադոնան գտնում է, որ Լիոնել Մեսսին չունի բավարար լիդերական որակներ:
«Անօգուտ է կերտել լիդեր մի տղայից, ով խաղից առաջ 20 անգամ վազում է զուգարան: Մի աստվածացրեք Մեսսիին: Լեոն «Բարսելոնայում» մի բան է, իսկ հավաքականում՝ լրիվ ուրիշ բան: Ես այլևս չէի հրավիրի Մեսսիին, բայց երբեք մի ասա՝ երբեք: Պետք է նրա վրայից հանել ճնշումը, որպեսզի ստանանք այնպիսի ֆուտբոլիստ, ինչպիսին ուզում ենք տեսնել»,- Մարադոնային է մեջբերում AS-ը:
Մեսսին ԱԱ-2018-ից հետո դադարեցրել է ելույթներն Արգենտինայի հավաքականում:
Պատրաստեց Անի Գաբուզյանը
