Քարդիֆում կիսամարաթոնի երկու մասնակիցներ են մահացել վերջնագիծը հատելուց հետո
Քարդիֆում հոկտեմբերի 7-ին կայացած ավանդական կիսամարաթոնի ժամանակ 21-կիլոմետրանոց տարածության վազքահերթի երկու մասնակիցներ մահացել են վերջնագիծը հատելուց հետո: Այս մասին հայտնել են մրցումների կազմակերպիչները:
Մահացած տրամարդիկ, որոնց անունները չեն հայտնում, բավականին երիտասարդ են եղել. նրանցից մեկը եղել է տարիքի երրորդ տասնամյակում, երկրորդը՝ չորրորդ: Վազորդներին նախ օգնություն է ցույց տրվել անմիջականորեն վերջնագծի մոտ, այնուհետեւ նրանց տարել են Քարդիֆի համալսարանի հիվանդանոց, որտեղ բժիշկներն արձանագրել են նրանց մահը: Դրա պատճառը երկու դեպքում էլ դարձել է սրտի կանգը:
«Բոլորն, ովքեր թեկուզ ինչ-որ կերպ կապված են վազքահերթի հետ, վշտով են համակված: Նրանք, դժբախտաբար դարձան առաջին զոհերն այդ մրցումների 15-ամյա պատմության ընթացքում»,- արձանագրել է Run 4 Wales ընկերության ղեկավար Մեթ Նյումենը, ընկերություն, որը Քարդիֆի կիսամարաթոնի կազմակերպիչն է, հաղորդել է ՏԱՍՍ-ը:
