Կենդանակերպի 6 զույգ, ովքեր անհամատեղելի են
Խեցգետին և Կշեռք: Խեցգետինները շատ զգացմունքային են, հանգստության կարիք ունեն, իսկ Կշեռքներն ուժեղ բնավորություն ունեն, շատ շփվող են: Խեցգետինները կոնսերվատիվ են, մարդիկ, ովքեր շատ ցավոտ են արձագանքում փոփոխություններին: Իսկ Կշեռքները յուրօրինակ մտածողություն ունեն, սիրում են տարօրինակ քայլերի դիմել:
Նույնիսկ, երբ կենդանակերպի այս երկու նշանի ներկայացուցիչները սիրում են միմյանց կամ ընկերանում, որպես կանոն, չեն կարողանում երկարաժամկետ հարաբերություններ կառուցել:
Ջրհոս և Ձկներ: Կենդանակերպի այս նշանի ներկայացուցիչների միջև չեն կարող ոչ ընկերակսն, ոչ ռոմանտիկ հարաբերություններ լինել: Ձկները եսասեր են, իրենց անձի նկատմամբ մշտական ուշադրության կարիք ունեն: Տանել չեն կարող չափազանց ինքնավստահ Ջրհոսների կողմից ցուցաբերվող անտարբերությունը:
Ձկները նեղացկոտ են, դժվարությամբ են մարդկանց հետ հարաբերություններ հաստատում: Ջրհոսները հեշտությամբ են առաջ շարժվում, հարմարվում ցանկացած իրավիճակի, կարողանում են հարթել նույնիսկ ամենալուրջ կոնֆլիկտը: Ջրհոսներին որոշակի թեթևամտություն է բնորոշ, որը նյարդայնացնում է Ձկներին:
Աղեղնավոր և Կարիճ: Կենդանակերպի այս երկու նշանները չափազանց տարբեր են: Եվ եթե ընկերական հարաբերություններ հնարավոր է կառուցել, սիրային և ամուսնական հարաբերությունների կառուցումը կարող է անհնար լինել:
Կարիճները միշտ գիտեն՝ ինչ են ուզում, և կպաշտպանեն իրենց շահերը մինչև վերջ՝ թե սիրային, թե ընկերական հարաբերություններում: Նրանք ամեն կերպ կփորձեն հնազանդեցնել Աղեղնավորներին, ովքեր ձգտում են կյանքից առավելագույն հաճույք ստանալ: Աղեղնավորները հազվադեպ են մտածում վաղվա օրվա մասին, ապրում են զգացմունքներով: Դա չի կարող չնյարդայնացնել Կարիճներին, ովքեր սիրում են ամեն բան նախապես ծրագրել և սիրելիից աջակցություն են սպասում:
Երկվորյակներ և Այծեղջյուր: Դժվար է գտնել միմյանց այդքան չհամապատասխանող զույգ: Կենդանակերպի այս նշանի ներկայացուցիչների համար դժվար է ընկերական հարաբերություններ կառուցել, ամուսնությունը շատ ավելի բարդ է:
Այծեղջյուրները լրջմիտ են, շրջահայաց, հակված չեն հապճեպ որոշումներ կայացնել: Նրանք չեն հասկանում Երկվորյակներին, ում հատուկ է տրամադրության հաճախակի փոփոխությունը: Երկվորյակներն ամբողջությամբ ենթարկվում են զգացմունքների ազդեցությանը, հազվադեպ են տրամաբանությամբ առաջնորդվում: Այծեղջյուրներն այդ պահվածքը գնահատում են՝ որպես թեթևամտություն, իսկ Երկվորյակների համար կոնսերվատիվ Այծեղջյուրների հետ հարաբերությունները չափազանց ծանր են դառնում:
Կույս և Առյուծ: Կենդանակերպի այս նշանների ներկայացուցիչները որևէ ընդհանուր եզր չունեն: Առյուծները միշտ ձգտում են գլխավորը լինել, զուգընկերոջն իրեն ենթարկել: Բայց սառնասիրտ և շրջահայաց Կույսերի հետ հնարավոր չէ այդպես վարվել:
Առյուծները տանել չեն կարողանում իրենց հասցեին հնչող ոչ մի քննադատություն, իսկ Կույսերը հակված են վերլուծել մյուսների քայլերն ու սխալները, դատել նրանց: Ապագայի մանրակրկիտ ծրագրումը Առյուծների մոտ տարակուսանք է առաջացնում, միևնույն ժամանակ՝ Կույսերը չեն հասկանում՝ ինչպես կարելի է ձգտել ցանկալին ստանալ հենց այդ պահին:
Ցուլ և Խոյ: Անհամատեղելի են, չեն կարող ոչ ընկերական, ոչ սիրային հարաբերություններ կառուցել: Խոյերի կամակորությունը բազմաթիվ խնդիրներ է ստեղծում: Նրանք երբեք մտերիմներից աջակցություն չեն զգում, նույնիսկ, երբ վերջիններս այն իսկապես ցուցաբերում են: Այդ պատճառով նրանք չեն կարողանում ընդհանուր լեզու գտնել ուշադիր և կայունության ձգտող Ցուլերի հետ:
Ցուլերը գերադասում են ուրախ, իրադարձություններով և զվարճանքով լի կյանքով ապրել: Իսկ Խոյերը սառնասիրտ են, չեն խրախուսում զուգընկերոջ զգացմունքների արտահայտումը: Նրանք իսկապես ձանձրանում են Ցուլերի կողքին:
Նյութը blacklogic.me-ից հրապարակման պատրաստեց 168.am-ը
