Ֆրանկոֆոնիայի գագաթնաժողովի շրջանակում կգործի «Ֆրանկոֆոնիայի ավանը»
Ֆրանկոֆոնիայի գագաթնաժողովի շրջանակներում, հոկտեմբերի 7-ից 12-ը կգործի «Ֆրանկոֆոնիայի ավանը»:
Ինչպես տեղեկացրին Հայաստանում Ֆրանսիայի դեսպանությունից, Ֆրանկոֆոնիայի ավանում, շուրջ քսան տաղավարների կողքին Ֆրանսիան կտեղադրի իր տաղավարը, որը ստեղծվել է «հնարավորությունների ֆրանսերեն» ոգով: Այսպես է բնորոշում ֆրանսերեն լեզուն Ֆրանսիայի Հանրապետության նախագահ Էմանուել Մակրոնը:
Վիրտուալ իրականություն, հրուշակագործության դասընթացներ, համտես, տեսախաղեր վարպետության դասեր և շատ ավելին ներկայացված կլինի Ֆրանսիայի տաղավարում, որը կգօրծի հոկտեմբերի 7-ից 12-ը , ժամը 12:00-ից 20:00-ն:
