«Չի եղել համաձայնություն, որ որևէ մեկը վարչապետի թեկնածու չի առաջադրելու». Արմեն Ռուստամյան
Հայ Հեղափոխական դաշնակցությունն ինքն է ետ կանչել իր նախարարներին՝ նախքան նրանց պաշտոնանկ կաներ ՀՀ վարչապետ Նիկոլ Փաշինյանը: Այս մասին այսօր ԱԺ-ում լրագրողների հետ զրույցում հայտարարեց ՀՅԴ խմբակցության ղեկավար Արմեն Ռուստամյանը:
«Ստեղծված իրավիճակում եթե մենք մեր տեսակետը հայտնելուն պես դառնում ենք հակահեղափոխական, դառնում ենք սև, անիմաստ է այդ պայմաններում աշխատելը»,- ասաց Ա.Ռուստամյանը:
Ըստ նրա՝ չի եղել համաձայնություն, որ որևէ մեկը վարչապետի թեկնածու չի առաջադրելու, բայց ՀՅԴ-ն կողմ է ընդհանուր պայմանավորվածության:
