Թուրքիայի կառավարությունը խրախուսում է արտահանողներին
Թուրքիայի առևտրի նախարարությունը պատրաստվում է արտահանողներին մեծ աջակցություն ցուցաբերել: Մինչև տարեվերջ 17%-ով ավելացնելով ֆինանսական աջակցությունը՝ թուրքական «Էքսիմբանկը» մտադիր է 11.000 արտահանողի 46 միլիարդ դոլար տրամադրել:
ermenihaber.am-ի փոխանցմամբ՝ Թուրքիայի կառավարությունը նպատակ է հետապնդում համաշխարհային առևտրի իր չափաբաժինն ավելացնել և արտահանման ծավալները հասցնել 500 միլիարդ դոլարի:
Այդ նպատակով պետության կողմից փոքր և միջին բիզնեսին տրվող աջակցությունն ավելացվելու է՝ հասանելի դառնալով ավելի շատ արտահանողների համար:
