«Սուրբ Գրիգոր Լուսավորիչ» բ/կ-ի նորանշանակ տնօրենի անհասկանալի կադրային ջարդը. ինչ է կատարվում բուժկենտրոնում. «Ժողովուրդ»
«Ժողովուրդ» թերթը գրում է. «Դեռեւս քննություն է տարվում պարզելու, թե որն է օրեր առաջ «Սուրբ Գրիգոր Լուսավորիչ» բժշկական կենտրոնում գազի բալոնի պայթյունի պատճառները, որի հետեւանքով մեկ հոգի մահացել էր, մեկ հոգի վիրավորվել:
Բժշկական կենտրոնի նորանշանակ տնօրենը թերթի հետ զրույցում նշել էր, թե այդ բալոնը բուժկենտրոնին չի պատկանում, սակայն պատկերացում էլ չուներ, թե որտեղից է հայտնվել:
Թերթի տեղեկություններով` իր նշանակումից հետո տնօրեն Արման Հովակիմյանը կադրային մի շարք փոփոխություններ է կատարել, այդ թվում` անվտանգության բաժիններին վերաբերող` երկարամյա աշխատողներին փոխարինելով նորեկներով: Եվ ոչ արհեստավարժ կադրերով համալրումն էլ հաճախ հանդիսանում է նման դեպքերի պատճառ:
Երեկ թերթը փորձեց Հովակիմյանից պարզել` ինչու է նման նշանակումներ կատարում: Սակայն ի պատասխան պահանջեցին հարցը գրավոր ուղարկել` հրաժարվելով որեւէ պարզաբանում տալուց»:
Ամբողջությամբ կարող եք կարդալ թերթի այսօրվա համարում:
