Մենք գործ ունենք մարդկանց հետ, ովքեր պատրաստ են ամեն քայլի. ԱԱԾ տնօրենը խոսել է իր կյանքին հնարավոր սպառնալիքների մասին
Ազգային անվտանգության տնօրեն Արթուր Վանեցյանը խոսել է իր կյանքին հնարավոր սպառնալիքների մասին: Լրագրողների հետ զրույցում Արթուր Վանեցյանը նշեց, որ նույնիսկ իր երեխաները չեն կարողանում դուրս գալ փողոց և շփվել իրենց հասակակիցների հետ:
Նրա խոսքով` ներկայումս ոչ միայն վտանգները զգում է, այլ այդ վտանգները կան:
«Եթե որևէ մեկին թվում է, որ ես ու Հատուկ քննչական ծառայության պետ Սասուն Խաչատրյանը ցանկանում ենք թիկնազորով շրջել և ինքնահաստատվել, չարաչար սխալվում են: Առհասարակ, ես չեմ ուզում թիկնազորով շրջել, բայց ցավոք, վերջին շրջանում չեմ կարողանում դա անել: Անգամ, իմ երեխաներն այսօր չեն կարողանում դուրս գալ փողոց և շփվել իրենց հասակակիցների հետ: Կողքից թվում է, որ մենք ռոմանտիկայի մեջ ենք, բայց հավատացեք՝ նման բան չկա: Մենք գործ ունենք լուրջ հանցագործություններ բացահայտելու հետ եւ մարդկանց հետ, ովքեր պատրաստ են անել ամեն ինչ, պատրաստ են գնալ ամեն քայլի»,- ընդգծեց Արթուր Վանեցյանը:
