«Ես չեմ կարող ասել, ես այդ մեթոդոլոգիային չեմ տիրապետում». Գևորգ Պետրոսյան
«Ես չեմ կարող ասել, ես այդ մեթոդոլոգիային չեմ տիրապետում»,- այսօր ԱԺ-ում հայտարարեց «Ծառուկյան» խմբակցության պատգաամվոր Գևորգ Պետրոսյանը՝ ի պատասխան 168.am-ի հարցի, թե ինչպե՞ս կարելի էր գաղտնալսել ԱԱԾ և ՀՔԾ ղեկավարների հեռախոսազրույցը:
Ըստ նրա՝ բարձրաստիճան պաշտոնյաները փորձում են ինչ-որ բաներ համաձայնեցնել այլ պաշտոնյաների հետ. «Ես չեմ կարող ասել, որ միջամտություն եղել է, դա շատ նուրբ հարց է, լիարժեք ուսումնասիրություն է պահանջում»:
Գ.Պետրոսյանի խոսքով՝ Արթուր Վանեցյանի և Սասուն Խաչատրյանի հրաժարականի հարցը որոշում է նրանց պաշտոնի նշանակելու իրավասություն ունեցող անձը.
«Իհարկե, նման երևույթը, եթե ամբողջությամբ տեղի է ունեցել, ցանկալի չէ: Խորհրդակցել կարելի էր, բայց ոչ համաձայնեցնել»:
