Կառավարությունն այս պահին աշխատանքներ է տանում շաքարավազի շուկայում երկրորդ ձեռնարկությունն ունենալու ուղղությամբ
Հայաստանի կառավարությունը ներդնում է սոցիալապես զգայուն ապրանքատեսակների մասով մեծածախ և մանրածախ առևտրի տարանջատման քաղաքականություն: Այսօր լրագրողների հետ հանդիպմանն այս մասին հայտնեց ՀՀ տնտեսական զարգացման և ներդրումների նախարար Արծվիկ Մինասյանը:
«Գերիշխող դիրք ունեցող այն սուբյեկտները, որոնք զբաղվում են մեծածախ ներմուծմամբ կամ արտադրությամբ, մանրածախ շուկայում չեն կարող մասնակցել, իսկ մասնակցելու պարագայում հստակ խաղի կանոններ ենք սահմանելու»,- ասաց Մինասյանը:
Նա կարևորեց այն հանգամանքը, որ կառավարությունն այս պահին աշխատանքներ է տանում շաքարավազի շուկայում երկրորդ ձեռնարկությունն ունենալու ուղղությամբ:
