Թզի օգտակար հատկությունները. համեղ բուժում

Թուզն ամենահամեղ մրգերից է, որը խորհուրդ է տրվում նաև մի խումբ առողջական խնդիրների առկայության դեպքում:  Fithacker.ru-ն ներկայացրել է թզի օգտագործման մի քանի միջոց:

Ասպիրինի փոխարեն: Թուզը եթերային յուղեր է պարունակում, որոնք թույլ չեն տալիս, որ արյունը խտանա: Մեկ ամսվա ընթացքում ամեն օր մի թուզ օգտագործեք, մեկ ամիս դադարից հետո կարող եք կրկնել:

Լավացնում է ուղեղի աշխատանքը: Թուզը խորհուրդ է տրվում մարդկանց, ում աշխատանքը կապված է մտավոր ծանրաբեռնվածության հետ:

Ջերմության բարձրացման, անգինայի, բերանի խոռոչի վարակների դեպքում 1 ճաշի գդալ մանրացրած թզին ավելացրեք 2 բաժակ եռացրած ջուր: 10 րոպե դրեք դանդաղ կրակին: Սառելուց հետո օգտագործեք 4 անգամ:

Հոգնածություն, թուլություն, նյարդային հյուծվածություն: 4-5 թզին 1 բաժակ տաք կաթ ավելացրեք, որոշ ժամանակ անց կաթը քամեք, օգտագործեք օրվա ընթացքում:

Միզասեռական համակարգի հիվանդություններ, ցավ միզարձակման ընթացքում: 3-5 թզին ավելացրեք 200 մլ եռացրած ջուր, 5 րոպե եռացրեք կրակին: Թուզն օգտագործեք օրվա ընթացքում:

Աղցան, որն օգտակար է առողջությանը. բաղադրիչներ

• 300 գրամ թուզ
• 150 գրամ սև սալոր
• 5 ճաշի գդալ նուշ
• 1 բաժակ կեֆիր:

Մանր կտրատեք թուզն ու սև սալորը: Նուշը նախապես թրջեք, մանր կտրատեք: Խառնեք բաղադրիչները, ավելացրեք կեֆիրը:

Նյութը հրապարակման պատրաստեց 168.am-ը