«Ժոզեն կարող է խոսել՝ ինչ ցանկանում է, ինձ այնքան էլ հետաքրքիր չէ «Մանչեսթեր Յունայթեդը»». Կլոպը՝ Մոուրինիոյի խոսքերի մասին
«Լիվերպուլի» գլխավոր մարզիչ Յուրգեն Կլոպը պատասխանել է Ժոզե Մոուրինիոյին, ով ծաղրել էր թանկարժեք տրանսֆերների վերաբերյալ գերմանացու կարծիքի փոփոխությունը:
«Ժոզեն կարող է խոսել՝ ինչ ցանկանում է: Ինձ այնքան էլ հետաքրքիր չէ «Մանչեսթեր Յունայթեդը»: Մեր գլխավոր հետաքրքրությունն այնպիսի ֆուտբոլ խաղալն է, որը դուր է գալիս երկրպագուներին»,- ասել է Կլոպը:
Ավելի վաղ Մոուրինիոն «զվարճալի» էր կոչել այն, թե ինչպես է Կլոպը փոխել կարծիքը 100 մլն եվրոյանոց տրանսֆերների վերաբերյալ:
Ամռանը «Լիվերպուլը» նորեկների վրա արդեն ծախսել է 100 մլն եվրոյից ավելի գումար:
Պատրաստեց Անի Գաբուզյանը
