Լրագրողները մտան ՀՔԾ
Այս պահին մի խումբ լրագրողներ մտել են Հատուկ քննչական ծառայության շենք և հանդիպում են պահանջում լրատվական վարչության աշխատակիցներից մեկի հետ, որպեսզի վերջինս որևէ տեկեկություն հաղորդի ՀՀ երկրորդ նախագահ Ռոբերտ Քոչարյանի հարցաքննության մասին:
Հիշեցնենք, որ այսօր՝ հուլիսի 26-ին ՀՔԾ-ում նախատեսված է երկրորդ նախագահի հարցաքննությունը 2008 թվականի մարտի 1-ի գործով: Ռ. Քոչարյանն այս գործում ներգրավվել է որպես վկա:
ՀՔԾ-ն Քոչարյանին հարցաքննության էր կանչել հուլիսի սկզբին, բայց նախկին նախագահը արտերկրում էր: Երկրորդ նախագահի հարցաքննության ժամը չի հստակեցվում, ու լրագրողները վաղ առավոտից գտնվում են ՀՔԾ շենքի մոտ:
