Ճոպանուղու մոտ ավտոմեքենան կախվել է դեպի ձորը. փրկարարները դուրս են բերել վարորդին
Հուլիսի 23-ին՝ ժամը 01:41-ին, «911» ծառայությանն ահազանգ է ստացվել, Լոռու մարզի Ախթալա քաղաքի ճոպանուղու մոտակայքում ավտոմեքենան դուրս է եկել ճանապարհի երթևեկելի հատվածից և կախվել դեպի հարակից ձորը, առկա է ընկնելու վտանգ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Mercedes-Benz» մակնիշի ավտոմեքենան (վարորդը՝ Վ. Ա.) դուրս է եկել ճանապարհի երթևեկելի հատվածից և արգելափակվել:
Փրկարարներն ավտոմեքենայից դուրս են բերել վարորդին, այնուհետև ավտոմեքենան՝ արգելափակումից:
