Բուրավետ և վառ մուրաբա՝ պատրաստված սեխից

Բաղադրիչներ

1. Սեխ – 1 կգ
2. Շաքարավազ – 1 կգ 300 գ
3. Կվիտին (դոնդողացնող նյութ) – 1 տուփ (ըստ ցանկության)
4. Կիտրոն – 2 շերտ
5. Կիտրոնաթթու – դանակի ծայրով
6. Ջուր – 250 մլ

Պատրաստման եղանակը

1. Սեխը լվանալ, մաքրել և խորանարդաձև կտրատել:

2. Թասի մեջ լցնել շաքարավազը և ավելացնել մեկ բաժակ տաք ջուր:

3. Հասցնել եռման, փրփուրը հեռացնել: Եռացող օշարակի մեջ լցնել սեխը, հասցնել եռման և եփել 5 րոպե:

4. Հետո վերցնել կրակից, ավելացնել կիտրոնաթթուն և սառեցնել:

5. Սառեցրած զանգվածը դնել կրակի վրա և խառնելով եռացնել 5 րոպե:

6. Նորից թողնել, որ սառչի:

7. Մուրաբան դնել կրակի վրա, ավելացնել 1 տուփ կվիտին կամ մեկ այլ դոնդողացնող նյութ և կիտրոնի կտորները:

8. Եռացնել 5 րոպե, ժամանակ առ ժամանակ խառնել: Վերցնել կրակից, լցնել ստերիլ բանկաների մեջ և թակել:

Պատրաստեց Անի Գաբուզյանը