«Նոր լարում պետք չէ այս տարածաշրջանում, հատկապես՝ ԼՂ հակամարտության համատեքստում». Սվիտալսկի
«Մենք անելու ենք այն, ինչ կարող ենք, որպեսզի խաղաղության ուղերձ հաղորդենք»,- այս մասին այսօր լրագրողների հետ զրույցում ասաց ՀՀ-ում ԵՄ պատվիրակության ղեկավար, արտակարգ և լիազոր դեսպան Պյոտր Սվիտալսկին՝ անդրադառնալով հարցին, թե արդյոք ադրբեջանական սադրանքները շփման գծում հարված չեն լինի տարածաշրջանի ժողովրդավարությանը:
Նա նշեց, որ շատ լուրջ են ընկալում այդպիսի բառերը և գնահատականները: «Կարծում ենք, որ ամեն բան պետք է արվի հակամարտության բախումները կանխելու համար: Մենք աջակցում ենք ՄԽ համանախագահներին, հասկանում ենք, որ առաջին շփումն է տեղի ունեցել Բրյուսելում նախարարների միջև: Կարող եմ ասել, որ ԼՂ հարցը շատ լուրջ էր արտացոլված այն հանդիպումների օրակարգում, որոնք տեղի են ունեցել Բրյուսելում, լսեցինք մտահոգությունները, մենք անելու ենք այն, ինչ կարող ենք, որպեսզի խաղաղության ուղերձ հաղորդենք, մեզ նոր լարում պետք չէ այս տարածաշրջանում, հատկապես՝ ԼՂ հակամարտության համատեքստում»,- ասաց Սվիտալսկին:
