Վթար Չեխովի և Շևչենկոյի փողոցների խաչմերուկում. տուժածներ չկան
Հուլիսի 14-ին, ժամը 21:59-ին «911» ծառայությանն ահազանգ է ստացվել, որ Երևան քաղաքի Չեխովի և Շևչենկոյի փողոցների խաչմերուկում տեղի է ունեցել ՃՏՊ, բախվել են ավտոմեքենաներ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Mercedes C240» մակնիշի (վարորդը՝ Պ. Հ.) և «Renault Logan» մակնիշի (վարորդը՝ Ռ. Գ.) ավտոմեքենաները:
Փրկարարները հոսանքազրկել են ավտոմեքենաները և փակել «Renault Logan» մակնիշի ավտոմեքենայի գազի բալոնի փականը:
