Գերմանիայի քաղաքական գործիչները պահանջում են հավաքականից հեռացնել Օզիլին և Գյունդողանին
Գերմանական «Այլընտրանք Գերմանիայի համար» կուսակցության անդամները կոչ են արել Գերմանիայի հավաքականի ղեկավարությանը՝ ԱԱ-2018-ին ազգային թիմի կազմից հեռացնել Մեզութ Օզիլին և Իլկայ Գյունդողանին, ովքեր ավելի վաղ նկատվել էին Թուրքիայի նախագահ Ռեջեփ Էրդողանի հետ հանդիպման ժամանակ և լուսանկարվել էին երկրի լիդերի հետ:
«Օզիլը և Գյունդողանը չեն բարձրացնում Գերմանիայի հավաքականի թիմային ոգին, որովհետև մարդիկ, ովքեր իրենց համարում են թիմի անդամ կիսով չափ, չեն կարող ունենալ իսկական մարտական տրամադրվածություն:
Յոախիմ Լյովը պետք է խաղացողներին տուն ուղարկի: Կան այլ ֆուտբոլիստներ, որոնք հպարտանում են իրենց երկրով: Օզիլը և Գյունդողանը պետք է տեղ ազատեն այն խաղացողների համար, ովքեր ավելի շատ հարգանք են մատուցում Գերմանիային, քան Թուրքիայի նախագահին»,- կուսակցության ներկայացուցիչ Իերն Քենինքի խոսքերն է մեջբերում Reuters-ը:
Պատրաստեց Անի Գաբուզյանը
