Բրազիլիայի նախագահն իջեցրել է դիզելային վառելիքի գինը
Բրազիլիայի նախագահ Միշել Թեմերը տեղի է տվել վարորդների պահանջներին ու որոշում կայացրել իջեցնել երկրում դիզելային վառելիքի գինը, որոնք բողոքի ակցիաներ էին կազմակերպում վառելիքի թանկացման դեմ՝ կաթվածահար անելով երթևեկությունը, փոխանցում է РИА Новости-ն:
Ավելի վաղ նախագահ Թեմերն ասել էր, որ անվտանգության դաշնային ուժեր կուղարկի վարորդների կողմից փողոցների փակման ակցիաները դադարեցնելու համար։ Բողոքի ակցիաները շարունակվում են անցյալ շաբաթվանից, դրանց հասցրած վնասը հաշվվում է մի քանի միլիարդ դոլար։
«Դիզելային վառելիքի գինն արդեն իջեցվել է 46 սենտավոյով (13 ԱՄՆ ցենտ), այն կգործի առաջիկա 60 օրվա ընթացքում։ Եվ երկու ամիս անց կմնան միայն որոշակի ճշգրտումներ, որպեսզի ամեն բեռնատարի վարորդ կարողանա պլանավորել իր ծախսերն ու բեռի արժեքը», – գրված է նախագահի Twitter-յան էջում։
Բացի այդ՝ Թեմերը հայտնել է, որ երկրի ամբողջ տարածքում ժամանակավորապես կչեղարկվեն բեռնատար մեքենաներից անցակետերում գանձվող վճարները։
