Սասուն Միքայելյանը՝ իր և իր տղային Կոտայքի մարզպետ նշանակելու լուրերի մասին
«Այսօվա շարժումը պետք է հիմք հանդիսանա թռիչքի՝ դեպի հայրենասիրություն, դեպի ապագա, դեպի պետություն»,- այսօր Սարդարապատի հերոսամարտի հուշահամալիրում լրագրողների հետ զրույցում ասաց ԱԺ «Ելք» խմբակցության պատգամավոր Սասուն Միքայելյանը։
Դիտարկմանը, թե խոսակցություններ կան, որ Ձեզ են նշանակելու Կոտայքի մարզպետի պաշտոնում՝ Ս․ Միքայելյանը հերքեց՝ ասելով․ «Ես մնալու եմ պատագամավոր»։ Նա նաև հերքեց լուրերը, որ հնարավոր է՝ իր տղային նշանակեն այդ պաշտոնում։
Ինչ վերաբերում է ԱԺ արտահերթ ընտրություններին՝ Ս․ Միքայելյանն ասաց, որ արտահերթ ընտրությունները լինելու են այս տարվա մեջ։
