ՀՀ զինված ուժերի գլխավոր շտաբի պետ է նշանակվել
Հայաստանի զինված ուժերի գլխավոր շտաբի պետ է նշանակվելու գեներալ-մայոր Արտակ Դավթյանը։ Այդ մասին ֆեյսբուքում հայտնելէ վարչապետ Նիկոլ Փաշինյանը։
«Ուրախ եմ ներկայացնել ՀՀ զինված ուժերի գլխավոր շտաբի նորանշանակ պետին. գեներալ-մայոր Արտակ Դավթյան»,- գրել է վարչապետը։
Հանրապետության նախագահ Արմեն Սարգսյանն արդեն ստորագրել է Արտակ Դավթյանի նշանակման հրամանագիրը։
Արտակ Դավթյանը եղել է ԳՇ օպերատիվ վարչության պետ, իսկ 2017թ. սեպտեմբերի 28-ին նշանակվել էր պաշտպանության նախարարության հինգերորդ բանակային կորպուսի հրամանատար։
