Հունաստանի նախագահը սրտի վիրահատության է ենթարկվել
Հունաստանի նախագահ Պրոկոպիս Պավլոպուլոսը մայիսի 22-ին սրտաբանական հետազոտություն է անցել, որի ընթացքում բժիշկները որոշել են ստենտ դնել: Այդ մասին հայտնել է նախագահի մամուլի ծառայությունը:
Ամենամյա սրտաբանական հետազոտությունը նախագահն անցել է Օնասիսի սրտավիրաբուժական կենտրոնում: «Հետազոտման ժամանակ որոշվել է մեկ ստենտ դնել, գործընթացն անցել է հաջող»,- ասված է պետության ղեկավարի մամուլի ծառայության հայտարարության մեջ:
Մայիսի 23-ին նախագահը սովորական ռեժիմով կկատարի իր աշխատանքային ծրագիրը, հաղորդել է ՌԻԱ Նովոստին:
