Փոքր ու միջին ձեռնարկատերերը «ծաղկաքաղ» են անում ՓՄՁ զարգացմանը խոչընդոտող խնդիրները
Հայաստանի ամերիկյան համալսարանի տարածքում գործող Aries Lunch սրճարանում երեկ հավաքվել էին տարբեր ոլորտներ ներկայացնող փոքր և միջին գործարարներ։ «ՓՄՁ համագործակցության ասոցիացիայի» նախաձեռնությամբ՝ նրանք մասնակցում էին ոլորտի խնդիրներին նվիրված կլոր սեղան-քննարկմանը։
Փոքր և միջին գործարարները բաժանվեցին 3 խմբի՝ առևտուր, արտադրություն և ծառայություններ։ Յուրաքանչյուր խմբի մասնակիցները առանձնացրին բիզնեսի զարգացմանը խոչընդոտող ամենակարևոր խնդիրները՝ կետ առ կետ ներկայացնելով դրանց բնույթը։
Ասոցիացիան մշակելու է մի քանի տասնյակ խնդիրները և ներկայացնելու է ՀՀ նոր կառավարությանը՝ համատեղ քննարկելու և լուծման տարբերակներ գտնելու նպատակով։
