Հանրահայտ հնդիկ գրոսմայստեր Կրիշնան Սաշիկիրանը կմասնակցի Կարեն Ասրյանի հուշամրցաշարին
Հանրահայտ գրոսմայստեր Կրիշնան Սաշիկիրանը կմասնակցի Կարեն Ասրյանի 11-րդ հուշամրցաշարին, որը կանցկացվի Ջերմուկում:
Կարեն Ասրյանի 11-րդ հուշամրցաշարին մասնակցելու է աշխարհի նախկին չեմպիոն Վիշվանաթան Անանդի երկար տարիների մարտավկա, հանրահայտ հնդիկ գրոսմայստեր Կրիշնան Սաշիկիրանը, ով այս պահի դրությամբ նաև մրցաշարի առաջին դասակարգված շախմատիստն է: Սաշիկիրանը Հնդկաստանի քառակի չեմպիոն է և ազգային հավաքականի կազմում 2014 թվականին դարձել է շախմատի Օլիմպիադայի բրոնզե մեդալակիր:
Կարեն Ասրյանի հուշամրցաշարին, այսօրվա դրությամբ, գրանցվել է 40 շախմատիստ, այդ թվում՝ 21 գրոսմայստեր, 2 կանանց գրոսմայստեր, 5 միջազգային վարպետ, 3 ՖԻԴԵ-ի և 1 կանանց ՖԻԴԵ-ի վարպետ:
