Կրիշտիանու Ռոնալդուն շուտափույթ ապաքինում է մաղթել Սըր Ալեքս Ֆերգյուսոնին
Մադրիդի «Ռեալի» հարձակվող Կրիշտիանու Ռոնալդուն շուտափույթ ապաքինում է մաղթել «Մանչեսթեր Յունայթեդի» լեգենդար մարզիչ Սըր Ալեքս Ֆերգյուսոնին:
Ավելի վաղ հայտնի էր դարձել, որ Ֆերգյուսոնը տարել է ուղեղի արյունազեղում: Շոտլանդացին ենթարկվել է հաջող վիրահատության, հիմա սպասվում է երկարատև վերականգնում:
«Իմ մտքերը և աղոթքները քո համար են, իմ թանկագին ընկեր: Ուժեղ եղիր, բոսս»,- գրել է Ռոնալդուն իր թվիթերյան էջում:
My thoughts and prayers are with you, my dear friend. Be strong, Boss! pic.twitter.com/kmih28Xpsq
— Cristiano Ronaldo (@Cristiano) May 5, 2018
Սըր Ալեքսի ղեկավարությամբ «Մանչեսթեր Յունայթեդի» կազմում Ռոնալդուն 3 անգամ հաղթել է Անգլիայի առաջնությունը և 2007-2008թթ. մրցաշրջանում դարձել է Չեմպիոնների լիգայի հաղթող:
Պատրաստեց Անի Գաբուզյանը
