«Գրիզմանը չի գալիս «Բարսելոնա» ինչ-որ մեկի տեղը գրավելու համար». Լուիս Սուարես
«Բարսելոնայի» հարձակվող Լուիս Սուարեսը մեկնաբանել է «Ատլետիկոյի» հարձակվող Անտուան Գրիզմանի հնարավոր տեղափոխությունը:
«Մենք հպարտանում ենք նրանով, որ «Բարսելոնա» են գալիս Անտուանի, Դեմբելեի և Կոուտինիոյի մակարդակի ֆուտբոլիստներ:
Գրիզմանը հանդես է գալիս բարձր մակարդակում արդեն շատ տարիներ, միշտ պայքարում է: Նա առանցքային դեր է խաղում «Ատլետիկոյի» հարձակման մեջ:
Նա չի գալիս ինչ-որ մեկի տեղը գրավելու համար: Նա ինչ-որ կարևոր բան հաղթելու ամբիցիաներ ունի»,- Սուարեսին է մեջբերում Goal-ը:
Ընթացիկ մրցաշրջանում Գրիզմանն անցկացրած 30 խաղերում դարձել է 19 գոլի և 8 փոխանցման հեղինակ:
Պատրաստեց Անի Գաբուզյանը
