«Յուվենթուսը» բանակցություններ է վարել Կարլո Անչելոտիի հետ
Կարլո Անչելոտին կարող է գլխավորել «Յուվենթուսը» Մասիմիլիանո Ալեգրիի հեռանալու դեպքում:
Ինչպես հաղորդում է Sky Sport Italia-ն, «Յուվենթուսը» և Անչելոտին բանակցություններ են վարել:
«Անչելոտին հետաքրքիր է շատ ակումբների, նույնիսկ եթե պաշտոնական առաջարկներ չկան»,- հայտարարել է Ալեսանդրո Ալչիատոն՝ Անչելոտիի ինքնակենսագրության համահեղինակը:
«Կան նաև առաջարկներ «Յուվենթուսի» կողմից: Դա կարող է վերադարձ լինել, այնպես որ, դա միտք է: Անչելոտին գերազանց հարաբերություններ ունի «Յուվենթուսի» նախագահ Անդրեա Անիելիի և տնօրենների խորհրդի հետ»:
Ավելի վաղ Անչելոտին հրաժարվել է գլխավորել Իտալիայի հավաքականը:
Տվյալ պահին «Ծեր սենյորայի» մարզիչն է հանդիսանում Մասիմիլիանո Ալեգրին, սակայն նա կարող է հեռանալ ակումբից ամռանը:
Շշուկներն Ալեգրիին կապում են «Չելսիի», ՊՍԺ-ի, «Արսենալի» և այլ ակումբների հետ:
Պատրաստեց Անի Գաբուզյանը
