«Վեսթ Հեմն» առաջարկել է 60 մլն եվրո Քարիմ Բենզեմայի համար, ֆրանսիացին հրաժարվել է տեղափոխությունից
Քարիմը համարել է դա իր կարիերայի ոչ լավագույն առաջարկը: «Ռեալի» հարձակվող Քարիմ Բենզեման հրաժարվել է հեռանալ մադրիդյան ակումբից, չնայած անգլիական «Վեսթ Հեմի» շռայլ առաջարկին:
«Մրճահարները» հարձակվողի համար առաջարկել են 60 մլն եվրո, բայց ֆրանսիացին համարել է, որ լոնդոնյան ակումբ տեղափոխվելը հետքայլ կլինի իր կարիերայում: Ինչպես հաղորդում է Don Balon-ը, «Ռեալը»՝ հակառակը, ցանկանում է վաճառել Բենզեմային ամռանը, որպեսզի գնի «Տոտենհեմի» հարձակվող Հարի Քեյնին:
Բենզեման մադրիդցիների կազմում անցկացրել է 270 հանդիպում, որոնցում դարձել է 127 գոլի հեղինակ: Transfermarkt-ը հարձակվողին գնահատում է 50 մլն եվրո:
Պատրաստեց Անի Գաբուզյանը
