Վենգերը չի ցանկացել հեռանալ «Արսենալից», նրան հեռացրել է ակումբի ղեկավարությունը
«Արսենալի» գլխավոր մարզիչ Արսեն Վենգերը, ով նախօրեին հայտարարեց մրցաշրջանի վերջում ակումբից գնալու մասին, չի ցանկացել հեռանալ թիմից: Ինչպես հաղորդում է The Sun-ը, ֆրանսիացի մասնագետին հեռացրել է «զինագործների» ղեկավարությունը:
Ըստ պարբերականի տեղեկության՝ Վենգերը կորցրել է «Արսենալի» ամենախոշոր բաժնետեր, ամերիկացի Սթեն Կրոնկեի աջակցությունը: Նշվում է, որ ակումբի ղեկավարությունը համաձայնել է վճարել ֆրանսիացուն 11 մլն ֆունտ՝ համաձայնագիրը ժամանակից շուտ լուծարելու համար:
Վենգերը գլխավորում է «Արսենալը» 1996 թվականից: Ֆրանսիացի մասնագետի ղեկավարությամբ ակումբը 3 անգամ դարձել է Անգլիայի չեմպիոն, 7-ական անգամ հաղթել է երկրի գավաթը և Լիգայի գավաթը:
Պատրաստեց Անի Գաբուզյանը
