«Պատկերացնո՞ւմ եք՝ ինչ կլինի, եթե հիմա ինձ բռնեն կամ բերման ենթարկելու փորձ անեն. չանե՛ք նման ապօրինի հրաման». Նիկոլ Փաշինյանը՝ ոստիկաններին
Քիչ առաջ Սերժ Սարգսյանի կառավարման երրորդ ժամկետի դեմ պայքարող «Իմ քայլը» նախաձեռնությունը՝ Նիկոլ Փաշինյանի գլխավորությամբ, քայլերթով հասավ Հանրապետության հրապարակ:
Նշենք, որ հրապարակի կենտրոնական հատվածում մեծ թվով ոստիկաններ կան: Նիկոլ Փաշինյանը դիմելով ոստիկաններին` ասաց, որ իրենց գործողությունները լիազորված են ժողովրդի կողմից. «Պատկերացնո՞ւմ եք՝ ինչ կլինի, եթե հիմա ինձ բռնեն կամ բերման ենթարկելու փորձ անեն: Չանե՛ք նման ապօրինի հրաման: Ես ձեզ խնդրում եմ, որպես եղբայր՝ դուրս եկեք այս հատվածից»:
